सोनादा, (निसं): गत 8 दिसम्बरको दिन सोनादा पचेङ समष्टिको अप्पर पचेङ नन्द गाउँमा राती आगलागी हुँदा एक घर जलेर खरानी भएको थियो। उक्त आगलागीमा दुई तल्ले काठको घर जलेर खरानी बनेको थियो। रातीको 12 बजीको समयमा भएको आगलागीमा अप्पर पचेङ नन्द गाउँ निवासी हर्कबहादुर गुरुङ्को घर जलेर नष्ट भएको थियो। यस आगलागीमा घर जलेर खरानी बनेपछि आगलागीमा जीउमा लगाएको लुगाबाहेक केही पनि निकाल्न नपाएको साथै सबै सर सामानहरु र कागज पत्रहरु पनि जलेर नष्ट भएको थियो।
अप्पर पचेङ्को बाल कल्याण समूहद्वारा हर्कबहादुर गुरुङ्की एघारौँ श्रेणीमा अध्ययनरत् नातिनीलाई सहयोग गरेका छन्। यस क्रममा बाल कल्याण समूहका सभापति अरुण राई,सचिव सुवास राई अनि सदस्यहरूले अग्नी पीड़ित परिवारका नानी दिपशिखा गुरुङलाई होलिक्रस सोनादा अध्ययनरतलाई सहयोग प्रदान गरेका छन्। बाल कल्याण समूहद्वारा दिपशिखा गुरुङलाई 15 हजारको सहयोग राशि प्रदान गरिएको छ। उक्त आगलागीमा हर्कबहादुर गुरुङ्की एघारौँ श्रेणीमा अध्ययनरत् नातिनीको सबै पाठ्य पुस्तकहरु र युनिफर्महरु सबै जलेर खरानी बनेको थियो। त्यसैले सम्पूर्ण बाल कल्याण समूहका सदस्यगण उनको घर पुगेर 15 हजार रुपियाँको सहयोग राशि हस्तान्तरण गरेका छन्।
