वाममोर्चाले चौथो उम्मेदवार सूची सार्वजनिक

पश्चिम बंगाल विधानसभा निर्वाचन २०२६ नजिकिँदै जाँदा वाम मोर्चा आफ्नो उम्मेदवारहरूको चौथो सूची सार्वजनिक गरेको छ। सो सूचीसँगै वाममोर्चाले केही निर्वाचन क्षेत्रमा सहयोगी दललाई समर्थन गर्ने निर्णयसमेत गरेको जनाएको छ। वाममोर्चाले विशेष गरी Indian Secular Front (ISF) का उम्मेदवार अरबुल इस्लाम लाई समर्थन गर्ने घोषणा गरेको छ। आराबुल इस्लाम यसअघि तृणमूल कांग्रेसबाट विधायक भइसकेका नेता हुन् र हालै उनी पार्टी छाडेर आईएसएफमा सामेल भएका थिए। राजनीतिक विश्लेषकहरूका अनुसार वाममोर्चा र आईएसएफबीच आगामी चुनावलाई ध्यानमा राख्दै सहकार्यको प्रयास भइरहेको छ। केही क्षेत्रमा उम्मेदवार घोषणा गर्ने र केही क्षेत्रमा सहयोगी दललाई समर्थन गर्ने रणनीति अपनाइएको बताइएको छ। आराबुल इस्लामको नाम घोषणा भएसँगै दक्षिण २४ परगना र आसपासका क्षेत्रमा चुनावी समीकरण थप रोचक बन्ने अपेक्षा गरिएको छ। उनी लामो समयदेखि स्थानीय राजनीतिमा सक्रिय रहँदै आएका छन् र हालै आईएसएफमा प्रवेश गरेपछि चुनावी प्रतिस्पर्धा थप कडा हुने अनुमान गरिएको छ वाममोर्चाले यसअघि पनि विभिन्न चरणमा उम्मेदवार सूची सार्वजनिक गरिसकेको छ र चौथो सूचीसँगै चुनावी तयारीलाई थप तीव्र बनाइएको जनाएको छ।