अनित थापाद्वारा महाकाल मन्दिरलाई ब्याट्री कार्ट प्रदान

दार्जीलिङ,13 दिसम्बर(निसं): दार्जीलिङ पहाडमा भएको विश्व प्रशिद्ध महाकाल मन्दिरसम्म दर्शन गर्न जानको निम्ति विशेष वरिष्ठ नागरिकहरुको सुविधाको निम्ति गोर्खाल्याण्ड क्षेत्रीय प्रशासन प्रमुख कार्यपाल अनित थापाले ब्याट्री कार्ट प्रदान गरेका छन्।यसबारे उनले भनेका छन्, वरिष्ट नागरिकहरु आफ्नो दुर्बल स्वस्थ्यको कारण महाकाल बाबा धाम मन्दिरको दर्शन गर्न मन्दिर पुग्नु सक्दैनन्, यस्तो अवस्थाको समाधान गर्न मैले वचन दिएको थिए कि वरिष्ठ नगरिकहरुको सुविधाको निम्ति इलेक्ट्रिक वाहन उपलब्ध गराउने छु। यसै क्रममा बिहिबार त्यही वचन पूरा गर्दै दार्जीलिङ मेलोटी फेस्टको कार्यक्रममा इलेक्ट्रिक वाहनको चाबी महाकाल समितिलाई सुम्पेको छु।अब देशका श्रद्धालु वरिष्ट नागरिकहरूले पनि यसै साधान मार्फत महाकाल धामको दर्शन यसै  गर्न सक्नेछन्।