पुजा बोनसको समयमा दुख पाएको दिनहरू हामीले भूल्न हुँदैन भन्दै राजीब राईले चिया श्रमिकहरूलाई विगतको स्मरण गराए। पोख्रेबुङ 15 नम्बर समष्टि अन्तर्गत सांगमा र टर्जम क्षेत्रबाट 13 परिवारहरूले इण्डियन गोर्खा जन शक्ति फ्रण्टलाई समर्थन जनाएका छन्।समर्थनको कार्यपछि इण्डियन गोर्खा जनशक्ति फ्रण्टको ग्राम पंचायत दुईको कोअर्डिनेटर राजीब राईले दार्जीलिङ पहाडमा अहिले परिवर्तनको लहर चलेको छ।त्यसैकारण आइजीजेएफमा समर्थन जनाउनेहरूको ओइरो लागेको छ। हामी सबै चिया बगानहरूबाट आएका हौं। सालैपछि पुजा बोनसको समयमा हामी सडकमा ओर्लिनु पर्छ, हामीले हाम्रो हक र अधिकार पाउनु पनि सडकमा ओर्लिनु पर्ने बाध्यता छ, अब उसो त्यस्तो गर्न नपरोस भनेर हामी एकबद्ध हुन पर्छ अनि पहाडमा परिवर्तन ल्याउनै पर्छ।
गत वर्ष 2026 को विधानसभा चुनावलाई हेरेर यिनीहरूले 20 प्रतिशत पूजा बोनस दिएको हो। त्यस भन्दा अघिल्लो वर्षको पुजा बोनसहरूलाई हेर्ने हो भने तपाईं हामीलाई यिनीहरूले सताउनुसम्म सताएका छन्। हामी वर्षभरी खटिएको पुजा बोनस पाउनलाई सडकमा ओर्लिनु परेको थियो, यिनीहरूले हामी चिया श्रमिकहरूलाई सताउनुसम्म सताएको हो।पहाड भष्ट्रचारमा चुर्लुम्म डुबेको छ। अजय एडवर्डसको हातलाई दह्रिलो बनाएर हामीले पहाडमा परिवर्तन ल्याउनै पर्छ।
अर्कोतिर कैंजले-रेलिङ समष्टिका युवाहरु एडवर्डसको विचारलाई समर्थन गर्दै आइजीजेएफमा सामेल भएका छन्। यी युवाहरू सुम्बुक स्थित सार्वजनिक भवनमा आइजीजेएफको एउटा सभा अमर खेवाको सभापतित्वमा बसेको सभामा सामेल भएका हुन्। सभामा समष्टि बाट संयोजक अर्जुन लामाको नेतृत्वमा विभिन्न युवाहरुले अजय एडवर्ड को विचार लाई समर्थन गर्दै पार्टीमा सामेल भए।
सभामा समष्टिको पक्षबाट प्रतिनिधिहरू अमर खेवा, दोर्जे तामाङ, सुधन सुब्बा, सन्जिब राई, प्रशान्त गुरुङ, सन्दीप यक्सो, अनिल प्रधान, पुरण तामाङ करण क्षेत्री आदी उपस्थित थिए।
