दार्जीलिङ,20 जुलाई(निसं): विश्वविद्यालय अनुदान आयोग(खुला तथा दूर शिक्षा कार्यक्रम र अनलाइन कार्यक्रम) नियमावली 2020 र एनएसओयू प्रथम विधान (संशोधित), 2014 पालना गर्दै दार्जीलिङ साउथफिल्ड कलेजले नेताजी सुभाष खुला विश्वविद्यालय (एनएसओयू) ले आफ्नो क्याम्पस-मा सह-शैक्षिक लर्नर सपोर्ट स्टडी सेन्टर स्थापना गर्न आधिकारिक रूपमा कार्यक्रमगत मान्यता प्रदान गरेको छ भनी कलेज आधिकारिक सुत्रले बताएको छ।
सुत्रले बताए अनुसार, साउथफिल्ड कलेज, दार्जीलिङले अब खुला तथा दूर शिक्षा मोड अन्तर्गत छ वटा स्नातकोत्तर कार्यक्रम र एउटा स्नातक दोस्रो डिग्री कार्यक्रम प्रदान गर्नेछ।जसमा स्नातकोत्तर कार्यक्रमहरू अंग्रेजी,शिक्षा,राजनीति विज्ञान, सार्वजनिक प्रशासन, अर्थशास्त्र, सामाजिक कार्य, पुस्तकालय र सूचना विज्ञान (एमएलआईएस) छन्। साथै स्नातक दोस्रो डिग्री कार्यक्रममा पुस्तकालय र सूचना विज्ञान (बीएल आईएस) सामेल छन् , साउथफिल्ड कलेज, दार्जीलिङ लर्नर सपोर्ट स्टडी सेन्टरमा यी कार्यक्रमहरूको लागि भर्ना अब गत 15 जुलाईदेखि 2025-2026 शैक्षिक सत्रको लागि आधिकारिक रूपमा खुला छ। इच्छुक विद्यार्थीहरू (सह-शिक्षक)-ले कलेज वेबसाइट साउथिल्डकलेज डट ओआरजी- मार्फत आवेदन दिन सक्छन्। थप विवरण र भर्ना प्रक्रियाहरूको लागि, विद्यार्थीहरूले साउथफिल्ड कलेज, दार्जीलिङमा सम्पर्क गर्न वा आधिकारिक वेबसाइटमा हेर्न सकिने छ।
