खरसाङ, 6 जुलाई (निसं)ः खरसाङ फुटबल एसोसिएशन अनि युवा एवम् खेल मामिला विभाग जीटीएको संयुक्त तत्वावधानमा आयोजित खरसाङ सुपर लीग 2025 फुटबल टुर्नामेन्टको दोस्रो दिनको खेल आइतवार सम्पन्न भएको छ। खरसाङ बजारदेखि 4 किलो मिटरको दुरीमा अवस्थित गोथल्स मेमोरियल स्कूलको खेल मैदानमा सम्पन्न भएको दोस्रो दिनको प्रिमियर डिभिजन खेल कञ्चनजङ्घा फुटबल क्लब अनि खरसाङ लिजन्डमाझ सम्पन्न भयो। यस खेलमा दुवै दलले असल खेलको प्रदर्शन गरे तापनि कञ्चनजङ्घा फुटबल क्लबका खेलाड़ीहरू 4 गोल गर्न सफल बने भने लिजन्ड खरसाङका खेलाड़ीहरूले 2 गोल मात्र गर्न सफल बने। यस प्रकार दोस्रो दिनको यो प्रिमिटर डिभिजन लीग फुटबल खेलमा कञ्चनजङ्घा फुटबल क्लबले खरसाङ लिजन्डलाई 2 गोलको विरुद्ध 4 गोलले पराजित गरेको छ। दोस्रो खेल च्याम्पियनशीप डिभिजनमा खरसाङ स्पोर्टिङ क्लब अनि घुम्ती युनाइटेड्माझ सम्पन्न भयो। यस खेलमा खरसाङ स्पोर्टिङ क्लबको दबाव घुम्ती युनाइटेडका खेलाड़ीहरूमाथि देखियो। यस खेलमा खरसाङ स्पोर्टिङ क्लबका खेलाड़ीहरूले 3 गोल छिराए भने घुम्ती युनाइटेडका खेलाड़ीहरू 1 मात्र गोल गर्न सक्षम बने। खरसाङ फुटबल एसोसिएशनका सचिव सुदीप राईले जानकारी गराए अनुसार घुम्ती युनाइटेडका खेलाड़ीहरू तोकिएको खेल समय भन्दा 30 मिनट ढिलो गरी मैदानमा आएको कारण खेलको नियमवाली अनुरुप 2 गोल प्रतिद्वन्दी दल खरसाङ स्पोर्टिङ क्लबलाई अगावै प्रदान गरिएको थियो। यस प्रकार यो खेलमा खरसाङ स्पोर्टिङ क्लबले घुम्ती युनाइटेडलाई 1 को विरुद्ध 5 गोलले जित्यो। आइतवारको खेलको सञ्चालन हिल्स रेफेरीस एसोसिएसनका रेफेरीहरू सुरेन गुरुङ, नितेश देवान, रेबिका प्रधान, सलमा लिम्बुले गरेका थिए भने फोर्थ अफिसियलमा सञ्जय थापा रहेका थिए। सुदीप राईले थप जानकारी गराए अनुसार खरसाङ सुपर लीग भन्दा अघि खरसाङ फुटबल एसोसिएशनले अण्डर 14 बोईज महकुमा स्तरीय फुटबल टुर्नामेन्टको आयोजना गरेको थियो। यस टुर्नामेन्टका उत्कृष्ट 3 खेलाड़ीहरूलाई चयन गरेर आईएफएद्वारा सञ्चालित जिल्ला स्तरीय खेल खेल्नको निम्ति पठाइएको छ। यस सुपर लीग 2025 फुटबल टुर्नामेन्टबाट पनि उत्कृष्ट रहेका खेलाड़ीहरूलाई चयन गरेर जिल्ला स्तरीय फुटबल खेलको निम्ति पठाइनेछ।
अमेरिकामा बेचिएका धेरै आइफोन भारत निर्मित
admin
August 2, 2025
