दार्जीलिङ,16 जुलाई(निसं): आफ्नो कर्तव्य र जिम्मेवारीलाई निष्ठापूर्वक, इमान्दारी र अनुशासित ढंगले निर्वाह गर्दै प्रशासनको छवि उज्ज्वल बनाउने सिभिक भोलिन्टियरहरूलाई सुकियापोखरी थाना अन्तर्गत ट्राफिक विभागले सम्मान गरेको जानकारी छ।
थानाको जानकारी अनुसार, थाना परिसरमा आयोजित सम्मान कार्यक्रममा दार्जीलिङ टाउन ट्राफिक डीएसपी कल्याण गुरुङ प्रमुख अतिथिका रूपमा उपस्थित थिए। उनले उत्कृष्ट सेवा प्रदान गर्दै ट्राफिक व्यवस्थापन तथा प्रशासनिक कार्यमा उल्लेखनीय योगदान पुर्याउने सिभिक भोलिन्टियरहरूलाई सम्मानपत्र प्रदान गर्दै उनीहरूको सेवाको प्रशंसा गरे।सम्मानित हुनेहरूमा एलसीभी रानुका थापा, सीभी दावा छिरिङ शेर्पा, एलसीभी प्रेरणा प्रधान, एलसीभी प्रेमिला प्रधान, सीभी भास्कर छेत्री, एलसीभी आशिका प्रधान, एलसीभी शाव्या सुब्बा तथा सीभी पुरन शर्मा रहेका छन्। कार्यक्रमलाई सम्बोधन गर्दै डीएसपी कल्याण गुरुङले निष्ठापूर्वक र समर्पित भावनाका साथ काम गर्ने कर्मचारी तथा सिभिक भोलिन्टियरहरूलाई समय–समयमा सम्मान गरिनु आवश्यक रहेको बताए। यसले उनीहरूको मनोबल उच्च राख्नुका साथै अझ जिम्मेवार र प्रभावकारी ढंगले सेवा प्रवाह गर्न प्रेरणा मिल्ने विश्वास उनले व्यक्त गरे।
