कालिम्पोङको बाघधारा रोडमा सञ्चालित इमोसन क्लबको आयोजनामा आज आइतबार बिहानदेखि व्यापक सरसफाइ अभियान सञ्चालन गरियो। अभियानअन्तर्गत स्ट्यान्ड क्षेत्रदेखि भुरामल चिया पसल, पपुलर बेकरीदेखि मेला ग्राउन्डको मुनिसम्म तथा वरपरका विभिन्न गल्ली–गल्ली र सार्वजनिक स्थानहरूमा सरसफाइ कार्य सम्पन्न गरिएको थियो।
क्लबका सदस्यहरूको सक्रिय सहभागितामा सडक, नाली तथा सार्वजनिक स्थलमा जम्मा भएका फोहोर संकलन गरी उचित व्यवस्थापन गरिएको थियो। अभियानको उद्देश्य स्वच्छ, सफा र स्वस्थ वातावरण निर्माण गर्नुका साथै स्थानीयवासीमा सरसफाइप्रति जनचेतना अभिवृद्धि गर्नु रहेको क्लबले जनाएको छ।
इमोसन क्लबले आगामी दिनहरूमा पनि यस्ता सामाजिक उत्तरदायित्वका कार्यक्रमलाई निरन्तरता दिँदै समुदायको हितमा विभिन्न जनमुखी अभियान सञ्चालन गर्ने प्रतिबद्धता व्यक्त गरेको छ। यो सफाइ अभियानको बारेमा इमोसन क्लब, कालिम्पोङका उप-सचिव योगेश थापाले दिएको चन्द्रकला राईले जानकारी दिएकी छिन्।
