दार्जीलिङ,18 जुलाई(निसं): बार्सिल प्रोडक्सनले नयाँ एक नयाँ युगको दौड सुरुवात गर्दै पहिलो टुडी एनिमेटेड नेपाली म्युजिक भिडियोको आगामी 24 जुलाईको दिन वार्सिल प्रोडक्सन अफिसियल युट्युब च्यानलबाट सार्वजनिक हुने भएकोछ। भक्ति आराधना एल्बममा समावेश शिव भजन,जसलाई सुधीर राई र पुष्पालता राईले स्वरबद्ध गरेका छन्।यो भक्तिभाव, नेपाली संस्कृति र सिनेम्याटिक एनिमेसनको एक सुन्दर संगम हो। भारतीय नेपाली संगीतको संरक्षण,प्रवर्द्धन र उत्सव जस्तै वार्सिल प्रोडक्सनद्वारा आधिकारिक सार्वजनिक गरिने वार्सिलले बताएकोछ।
दार्जीलिङको नेपाली गीत क्षेत्रमा चर्चित गायक सुधीर राई अनि उनकी पत्नी पुष्पलता राईको भजन गीति एल्बम भक्ती आराधनामा समावेश एउटा शिव भजनलाई वार्सिल प्रोडक्सन युट्युब च्यानलद्वारा टुडी एनिमेसन रुपमा सार्वजनिक हुनेभएको बताउदै गायक सुधीर राईले बताएका छन्,यो शिव भजन भजन गीति एल्बम भक्ती आराधनामा समावेश गरिएका 8 वटा भजनमा एक शिव भजन हो। यस भजन गीति एल्बम सिलगढी कदमतला शिव कैलाश मनोकामाना महाकाली धामद्वारा निकालिएको हो। यो शिव भजनको शब्दकार सुरेन दियाली साथै संगीत संयोजक अजनिश राईले गरेका हुन् भने उनको म्याट्रीक साउण्ड ल्याबमा रिकर्डिङ गरिएको थियो।
