मजुवा ग्राममा जन कल्याणको एकदिने शिविर

मजुवा, 18 जुन (निसं): मजुवामा जन कल्याणको एकदिने शिविर सम्पन्न भयो मजुवा ग्राम पञ्चायत प्रधान रोगेन वङ्दी लेप्चाको पहलमा ग्राम वासीहरूले कतिपय कागज-पत्र बनाउने तथा आवेदन गर्ने मौका पाए। विषेश अन्नपूर्ण, आयुस्मान भारत, वृद्ध भत्ता लगायत अन्य कामकाजहरू सुचारू रूपले गरिएको बताएकोछ। जन कल्याण शिविरको तालिकाबाट छुट्टिएको मजुवा ग्राम वासीहरूले कैंजले अनि बिजनबारीको शिविरमा पनि पुगेर काम गरेको थियो तथापि डीएम अनि एडीएम-संँगको बातचित पछि बिजनबारी खण्ड विकासको अभेग क्षेत्रमा पर्ने मजुवा ग्राममा आजको एक दिने शिविर सम्पन्न भएको प्रधान लेप्चाले बताए। मजुवा ग्राम वासीहरूलाई भईरहेको धेरैवटा असुविधाहरूमा यातायातको पनि विशेष कारण रहेकोछ। यसैले मजुवा क्षेत्रवासीहरूको निम्ति जन कल्याण शिविर मजुवा ग्राममा हुनु धेरैलाई सुविधा पुगेको जनाउदै यस कार्यको लागि खण्ड विकास अधिकारी बिजनबारीप्रति मजुवा ग्राम पञ्चायत प्रधान रोगेन वङ्दी लेप्चाले कृतज्ञता जनाउदै सहयोगी सबै प्रति आभार प्रकट गरेको जनाएका छन्।