दार्जीलिङ,19 जून(निसं):रंगली-रंगलीय खण्ड विकास अन्तर्गत रहेको मानेडाँडा ग्राम पञ्चायत अधिनस्थ तक्दाह चियाबारीको दोकान धुरा गाउँमा सानु गहतराजको घर मध्यरात आगलागिमा परेर स्वाहा भएको समाचार प्रकाशमा आएको छ् । प्राप्त जानकारी अनुसार तक्दाह चियाबारीको दोकान धुरा गाउँ निवासी सानु गहतराज अनि मिनु गहतराज आफ्नो उपचार गर्न सिलगढीमा थिए भने दुई दिन अघि आफ्नो घर आएका थिए। आफ्नो घरमा नियमित जस्तै पुजा गरेर यता भाईको घरमा सुत्न आएका थिए। सानु गहतराजको धर्म पत्नी मिनु गहतराजले मध्यरातमा गाउँलेहरुले हल्ला खल्ला गरेर घरमा आगलागी भएको जानकारी गराएको बताइन् । घरको पूजा कोठामा जलाइएको दियोबाट आगलागी भएको हुन् सक्ने मिनु गहतराजको भनाई छ।
यता तक्दाह चियाबारीका बिर्जमान राईको जानकारी अनुसार,आगलागीको कारण घर पुर्ण घर जलेर खरानी भएको अनि उक्त घरबाट कुनै पनि सरसमान निकाल्न पाएनन्। यस प्रकारको घट्ना अहिले धेरै हुन् थालेको छ् । घट्ना आज बिहान मध्यान्न बताइएको छ् भने आज बिहान तीन बजे पुलिस चौकीयबाट घट्ना स्थलको स्थलगत निरिक्षण गर्ना आएको जनाईएको छ् भने यस घट्नाबारे मानेडाँडा ग्राम पञ्चायतलाई पनि सुचित गरिएको बताइएकोछ। जनसाधरणहरुले आफ्नो घरमा पूजा थानको दियो एवं घरको यस्ता सम्वेदनशील वस्तुहरुमा निक्कै ध्यान दिइनु पर्ने देखिन्छ भनी राई बताउछन्।
