खरसाङ, 22 जुलाई (निसं)ः धजिया चियाबारी नौ नम्बरका किड्नी रोगी अनिकेत सुब्बाको किड्नी प्रत्यारोपण गर्नको निम्ति दार्जीलिङ माटोको मायाँ सेवा संस्थाको मिरिक शाखाका प्रमुख संयोजक मनिन्द्र सुब्बा गोर्खा, प्रमुख सदस्य विशाल राई, रघु लोहार, सहयोगी किशोर राज सुब्बा अनि विशाल थापाको सक्रियतामा सहयोग राशि सङ्कलनको कार्य भइरहेको छ। सोमवार दुधेको बाङ्गे बजारस्थित खोकोन दोकानको प्रांगणमा धजिया चियाबारी नौ नम्बरका सर्जक एवं सामाजिक युवावर्ग साथै नवोदित गायक-गायिकाहरूले सड़क सांगीतिक कार्यक्रममा गीतहरू प्रस्तुत गरेर आर्थिक सहयोगको प्राप्त गर्नको निम्ति अभियान चलाए। उक्त आर्थिक सहयोग संकलन अभियानमा दुधेका एक असल सामाजिक अभियन्ता अनुप गदालको पनि उपस्थिति रहेको थियो। पीड़ितलाई सहयोग पुऱ्याउनको निम्ति बिहानदेखि साँझसम्म कलाकारहरूले नेपाली, हिन्दी गीतहरू गाएर सहयोगी एवं दाताहरूको मन जित्ने प्रयास गरेका थिए। आर्थिक सहयोग संगलन अभियानको बारेमा बताउदै मनिन्द्र सुब्बाले भने, मान्छेको कुनै पनि टुंगो हुँदैन, भोलीको दिनमा कसलाई के हुन्छ, कसैलाई पनि थाहा हुँदैन। मानवको जीवन पाउँनु नै असल कर्म गर्नु हा। आज हामीले मानव भएर मानवता निभाउदै असल कर्म गरेका हौँ। यस अभियानमा जति पनि महानुभावहरुले किड्नी रोगी अनिकेत सुब्बालाई आर्थिक सहयोग पिऱ्याए, तिनीहरूलाई धन्यवाद दिन्छौँ। यो अभियान सफल तुल्याउनको निम्ति गाड़ी धुरा थाना, दुधिया टाइम्स्, धनवीर ज्ञाबक, खोकन परिवारद्वारा सहयोगी प्राप्त गरेका छौँ, उनीहरूप्रति कृतज्ञता प्रकट गर्दै भविष्यमा पनि यस्तै सहयोगको अपेक्षा राख्छौँ। सुब्बाले आफ्नै दाजु-भाई अथवा छोरा सम्झेर किड्नी रोगी अनिकेत सुब्बालाई आर्थिक सहयोग प्रदान गरिदिने निवेदन पनि गरे।
अमेरिकामा बेचिएका धेरै आइफोन भारत निर्मित
admin
August 2, 2025
