मिरिक महकुमाको 23 नम्बर समष्टि अन्तर्गत थर्बु चियाबारीको सिस्ने गाउँलाई जोड्नका लागि खनन् कार्य गरिएको सडक वर्खायामको झरीले जीर्ण बनेको छ। यसले स्थानीय लगायत विद्यार्थीवर्गलाई धेरै समस्या भइरहेको छ। विशेष गरि यो सडकबाट सिस्नेदेखि बजारलाई जोड्ने छोटो अनि कम समय लाग्ने गर्छ। तथापि सडक हिलोमा परिणत भएपछि प्रत्येक दिन विद्यालय आवत जावत गर्ने विद्यार्थीहरूलाई अझ धेर मर्का परिरहेको स्थानीयहरूको भनाइ रहेको छ। उनीहरूले सडकको अवस्था यथावत रहे सबैलाई समस्या हुने बताउँदै यथाशिघ्र समाधानको माग गरेका छन्।
