गोजयुमोको सुवेन्दु अधिकारीसँग भेटघाट

गोर्खा जनमुक्ति युवा मोर्चाको प्रतिनिधि टोलीले पश्चिम बंगाल विधानसभामा विपक्षी दलका नेता तथा भाजपाका वरिष्ठ विधायक सुवेन्दु अधिकारीसँग महत्वपूर्ण भेटवार्ता गरेको छ। युवा मोर्चाका अनुसार उक्त भेटवार्ताको मुख्य विषय केन्द्र सरकारले तयार पारेको “दार्जिलिङ–तराई –दुवर्सलाई समेट्ने गोर्खाल्यान्ड टेरोटोरियल रिजन” सम्बन्धी अवधारणामा केन्द्रित रहेको थियो। यस क्रममा प्रदेश भाजपा विधायकहरूको तर्फबाट सुवेन्दु अधिकारीलाई ज्ञापन पत्र समेत बुझाइएको बताइएको छ।
भेटमा युवा मोर्चाका अध्यक्ष नोमन राई सहित नरेन्द्र कामबाङ, विकास खवास, तोप्देन भुटिया, ज्ञानेन्द्र छेत्री र आशोक छेत्रीको उपस्थित थिए। प्रतिनिधि टोलीले दार्जिलिङ–तराई–दुवर्स क्षेत्रको राजनैतिक समस्या अब चुनावी चलखेलको विषय मात्र नभई ठोस समाधानको बाटोतर्फ अघि बढ्नुपर्नेमा जोड दिएको छ।