रोड सुरक्षा सप्ताह अन्तर्गत आज अन्तिम दिन दार्जीलिङ पुलिसको आयोजनामा एवं खरसाङ ट्राफिक पुलिसको तर्फबाट खरसाङमा रोड सुरक्षा सप्ताह र ड्रग्स विरोधी अभियानलाई लिएर सचेतना रैलीको आयोजना गरिएको छ। खरसाङको मोटर स्ट्याण्डदेखि शुरु भएको उक्त सचेतना रैली हिल कार्ट रोड हुँदै अस्पताल मोड भएर वर्द्धवान रोड भएर पुन: मोटर स्ट्याण्डमा आएर सचेतना कार्यक्रममा परिणत भएको छ। रोड सुरक्षा सप्ताह गत 1 जुलाईदेखि आज मंगलबार 8 जुलाईको अन्तिम दिन उक्त रोड सुरक्षा सप्ताह अन्तर्गत सचेतना रैली र सचेतना कार्यक्रमको आयोजना गरिएको छ। उक्त सचेतना रैलीमा खरसाङ नगरपालिकाको चेयरम्यान ब्रिगेन गुरुङ, भाइस चेयरम्यान सुवास प्रधान, जीटीएको कार्यकारी सभासद रतन थापा, ब्याटमिन्टन एसोसिएसनको सभापति प्रेमेन्द्र गुरूङ, खरसाङ ट्राफिक पुलिसको प्रभारी बीरेन्द्र छेत्री र उनको सहयोगी पुलिस अधिकारीहरु लगायत खरसाङ बजार क्षेत्रमा रहेका विभिन्न विद्यालयहरुका शिक्षक शिक्षिकाहरु र विद्यार्थीहरुले भाग लिएका थिए।
अमेरिकामा बेचिएका धेरै आइफोन भारत निर्मित
admin
August 2, 2025
