‘देवभूमि उत्तराखण्ड एक तीर्थयात्रा’-१ को विमोचन

आज सालुगाड़ा राजफाप्री स्थित दुर्गा मन्दिरमा पुस्तक ‘देवभूमि उत्तराखण्ड एक तीर्थयात्रा’ भाग-१ को विधिवत् विमोचन गरियो । क्षेत्र ‘प्रेम’ मुखिया द्वारा लेखिएको उक्त संस्मरणमा गुरु डा० मनोरथ धिताल संग गरिएको तीर्थयात्रा को ब्यौरा राखिएको छ । उत्तराखण्ड देवताहरूको एउटा वृहत क्षेत्र हो जसमा प्राचीन हजारौं मन्दिरहरू छन् तर पर्यटनको दृष्टिले भने हरिद्वार, ऋषिकेशका केही क्षेत्र एवं उत्तराखण्ड चार धामलाई मुख्य मानिन्छ।
यस पुस्तकमा सानो ठूलो गरि लगभग पैतालिस वटा किन्तु प्राचीन, महत्वपूर्ण एवं पौराणिक महत्व भएको मन्दिरको जानकारी दिइएको छ जहाँ वहाँहरू यात्रा को समय पुग्न सफल भए। यस पुस्तकले तीर्थयात्रीहरू लाई एउटा मार्ग दर्शन दिन्छ भन्ने लेखकले पूर्ण विश्वास रहेको बताए।