BTAct 1949 रद्द गर्ने माग लिएर जुलुस

महाबोधि महाविहार सम्बन्धी BTAct 1949 रद्द गर्ने मागको सर्वोच्च न्यायालयमा यही 29 जुलाईमा अन्तिम सुनुवाइ हुने भएकाले ALL INDIA BUDDHIST FORUM कालेबुङ शाखाको आयोजनामा आइतबार शान्ति जुलुस स्थानीय डम्बर चोकबाट शुरू गरी तामाङ गुम्पामा सानो सभामा परिणत भयो।
उक्त जुलुसमा कालेबङका बौद्ध धर्मावलम्बीहरूको सहभागिता रहेको थियो। विशेषगरी विभिन्न गुम्पाका धर्म गुरु,लामागण, माणिपा संघ, तिब्बती समुदायका सबै संगठन, तिब्बती मुस्लिम एसोसिएसन, तामाङ समुदायको विभिन्न थुम, डेन्भोड्रूक किडु, भोटिया समुदाय शेर्पा, गुरूङ समुदाय, त्रिपाई समाज, तिब्बती भाषा संरक्षण स्कूल, आईटीबीसीआई, लेप्चा समुदाय आदि उपस्थितिमा जुलुस आयोजन गरिएको थियो।