तीनधारेमा स्वतन्त्रता दिवस समारोह पालन गरिने

तीनधारेमा यसपाली भारतीय गोर्खा प्रजातान्त्रिक मोर्चा समर्थित शिक्षक संगठनको आयोजनामा स्वतन्त्रता दिवस समारोह पालन गरिने भएको छ। यसबारेमा शिक्षक संगठन तीनधारे महानदी समष्टिको सभाको आयोजन गरिएको थियो। उक्त सभाको अध्यक्षता प्रधान अध्यापक संग्राममणि वाईबाको अध्यक्षतामा गरिएको थियो। सभालाई शिक्षक संगठन तीनधारे महानदी समष्टिका सचिव उत्तम छेत्रीले सञ्चालन गरेका थिए। जुन सभामा शिक्षक संगठन तीनधारे महानदी समष्टिका सभापति बिमल शेर्पाको विशेष उपस्थिति रहेको थियो। सभामा स्वतन्त्रता दिवस समारोह आयोजन समिति गठन गरियो। यस समितिमा सभापति विकास प्रधान, मूल सचिव सुरेन्द्र गुरुङ, कोषाध्यक्ष प्रवीण राई र प्रचार प्रसार सचिव सन्तोष लामा चयन गरिएका छन्। सभामा आगामी स्वतन्त्रता दिवस समारोहमा‌ प्राथमिक पाठशाला र हाई स्कूल स्तरीय विद्यार्थीहरुलाई लिएर कस्तो कस्तो खेलकूदहरु आयोजना गरिने विषयमा चर्चा परिचर्चा गरिएको समारोह समितिका प्रचार प्रसार सचिव सन्तोष लामाले विस्तृत रुपमा जानकारी गराएका छन्।