दार्जीलिङ,18 जुलाई(निसं): एक भव्य कार्यक्रममा तकदाह-ग्लेनबर्न समिष्टका वृहद संख्यामा मानिसहरुले औपचारिक रूपमा इण्डियन गोर्खा जनशक्ति फ्रन्ट (आईजीजेएफ)-मा प्रवेश गरे।उक्त प्रवेश कार्यक्रम आईजीजेएफ-का प्रमुख संयोजक अजय एडवर्डको विशिष्ट उपस्थितिमा सम्पन्न भयो भनी मिडिया तथा जनसम्पर्क विभाग
इण्डियन गोर्खा जनशक्ति फ्रन्ट (आईजीजेएफ) सुत्रले बताएको छ। यसबारे थप जानकारी अनुसार, कार्यक्रममा सभासद सन्नी बम्जन, एचएचटीडीसीएसएस अध्यक्ष तथा वरिष्ठ ट्रेड युनियन नेता डीके गुरुङ, सीडब्ल्यूसी सदस्य एनबी खवास, कार्यालय सचिव भीम सुनाम, क्षेत्रीय संयोजकहरू सम्देन लामा र किरण राईको उपस्थिति थियो।युवा नेता राब्गे राई, भरत तामाङ र नोरा सुब्बाले आधारभूत तहमा जनसमर्थन जुटाउने महत्वपूर्ण भूमिका खेलेका थिए, सुत्रले बताएको छ।
