गुराँस परिवार समाजद्वारा सफाई अभियान

खरसाङ,6 अगस्त(निसं): अहिलेको बर्खा पानी झरीको कारण आम मानिसहरू हिड्ने गाउँ घरको बाटो घाटोहरूमा लेउ ल्गेर चिप्लो भएको हुनाले गाउँ घरका मानिसहरूलाई हिँडडुल गर्न एकदमै असुविधाहरू भइरहेको अवस्थालाई ध्यानमा राखेर नेहुर बालासन गुराँस परिवार समाजले ती बाटो घाटोहरूमा ब्लिचिङ पाउडर छर्किने तथा साफ सफाई गरिने कार्य गरेको जानकारी समाजका सहसचिव राजीव राईले दिएका छन्‌‍। तिनले जनाए अनुसार उक्त ब्लिचिङ पाउडर उपलब्ध गराउने जोरबंग्लो सुके खण्ड कर्मध्यक्ष स्वास्थ्य एवं परिवेश विभाग बबेन्द्र राई प्रति समाजको तर्फबाट आभार व्यक्त गरिएको छ साथै यस कार्यमा विशेष रूपले शुशिला प्रधान, बिर्शिका तामाङ, हुमा प्रधान गुरूङ अनि रिता प्रधान आदिको उपस्थित रहेको थियो।