दार्जीलिङ,14 जुलाई(निसं): तिब्बती संस्कृतिको लागि मञ्जुश्री केन्द्रमा नि:शुल्क (सोवा रिग्पा) चिकित्सा शिविर आयोजना गरिएको थियो, जुन शिविर सबैका लागि खुला थियो। आइतबार दोस्रो तथा अन्तिम दिन 90 जना बिरामीहरुको जाँच गरिएको देखियो र सफलतापूर्वक शिविर सम्पन्न भयो भनी मञ्जुश्री केन्द्र सदस्य जीटी भुटिया अनि र निर्देशक चागपोरी तिब्बती चिकित्सा संस्थान, तुक्धा, दार्जीलिङका थिनले भुटियाले बताएका छन्। उनीद्वयले बताए अनुसार, सोवा रिग्पा प्राकृतिक उत्पादनहरूबाट बनेको औषधि प्रयोग गर्ने वैकल्पिक औषधि उपचार हो जसको कुनै साइड इफेक्ट छैन र हालै लोकप्रिय छ। दार्जीलिङको तक्धामा अवस्थित चागपोरी तिब्बती चिकित्सा संस्थान एक पूर्ण चिकित्सा प्रशिक्षण संस्थान हो, जहाँ व्यक्तिले सिधै भर्ना पाउन सक्छन् र संस्थान प्रमुख, थिनलेको नेतृत्वमा सोवा रिग्पाको अभ्यासकर्ता बन्न सक्छन् भनी मञ्जुश्री केन्द्र सदस्य जीटी भुटियाले बताएका छन्।
