मजुवा, 30 नोभेम्बर(निसं): अप्पर सिङ्गबुङ डेरा देवकोटा संघको आयोजनामा श्रमदानद्वारा भइरहेको बाटो मर्मत कार्यमा वरिपरिको संघसंस्थाहरू लगायत गाउँलेहरूको विषेश सहायता र प्रयासमा असुविधा भएकोमा ठाउँहरूमा सोलिङ लगाउदै, कंक्रिट ढलाई लगाएर गरिरहेको बाटो मर्मति कार्य सफलता पूर्वक सम्पन्न भइरहेको बताएको छ। यसै क्रममा प्रायः दैनिक रूपमा गर्दै आएको श्रमदान कार्य हिजो पनि शिक्षक एसके बाङदेल गोलाईमा कंक्रिट ढलाईको काम भयो। यसैगरी दुई दिन सोलिङ बनाउने कामपछि शनिबारको दिन 30 व्याक सिमेन्टको ढलाई लगाउने योजना रहेकोले आगामी मंगलबारसम्म कुनै पनि वाहन यातायात बन्द रहने जनाएको छ। यस सुकार्यको निम्ति सबै वाहन चालकहरूले सहयोग गरिदिने आयोजक तथा प्रबन्धक समितिको पक्षमा धिरेन सुब्बाले आग्रह गरेका छन। मजुवा ग्राम पञ्चायत अन्तर्गत शवाजी खोलादेखि अप्पर सिङ्गबुङ डेरा वीच बतासेको बाटो मर्मति कार्य धमाधम भइरहेको छ जहाँ बाटो मर्मति कार्यको अठाह्रौं दिनपनि श्रमदानदाताहरू उत्साह पूर्वक खटिए। प्रायः दैनिक रूपमा भइरहेको श्रमदान कार्यमा सबैले योगदान दिइरहेको आयोजक समितिका सदस्य सुब्बाले जनाएको छ। रंगीत-मजुवा शवाजी खोलादेखि अप्पर सिङ्गबुङ डेरा हुँदै कालो पानीको बाटो अब केही दिनसम्म मर्मति कार्य चल्ने उनले बताए। यस कार्यले जनसाधारणहरूलाई भइरहेको असुविधाको निम्ति खेद प्रकट गर्दछौं भनि उक्त बाटोमा हिंड्ने सबै दैनिक सवारी साधन अनि शुभचिन्तकहरूलाई अब केही दिनको निम्ति सहयोग गरिदिन आयोजक समिति देवकोटा संघले प्रत्यक्ष अप्रत्यक्ष सबैप्रति विनम्र आग्रह गरेकोछ।
