शिक्षाविद कमलचन्द्र राईको निधन

दार्जीलिङ, 30 नोभेम्बर (निसं): दार्जीलिङका वरिष्ठ शिक्षाविद एवं रामकृष्ण शिक्षा परिषदका पूर्व प्रधान अध्यापक कमल चन्द्र राईको निधन भयो। गत 27 नोभेम्बरको दिन उनको निधन भएको पारिवारिक सूत्रबाट जानकारी प्राप्त भएको छ। उनले आफूपछि पत्नी शान्ता कुमारी राई, छोरीहरूलाई छोड़िगएका छन्।चारवटा विषयमा एमए गर्ने स्व. राईले श्री सत्य साई बाबाका आध्यात्मिक जीवनीका साथै कैयौं कृतिहरू प्रकाशित गरेका थिए। साई बाबाप्रति प्रगाढ़ भक्ति अनि समर्पणस्वरूप उनले धेरैवटा ग्रन्थहरू आफ्नै निजी व्ययमा प्रकाशित गरेका थिए। जसको अन्त्येष्टि कार्य आगामी 1 दिसम्बरको दिन स्थानीय हरिदासहट्टा सार्वजनिक भवनमा सम्पन्न गरिने भएको साहित्याकार कृष्णसिंह मोक्तानले जानकारी गराएका छन्।