दा.जि.के.स. व्याङ्कको स. बोर्ड बिजीपीएमको झोलीमा

“जीटीए चुनाव जित्यौं। पञ्चायत चुनाव जित्यौं। सहकारी समितिको चुनाव Absolute Majority को साथमा जित्यौं। हाम्रो जित्ने क्रम जारी छ। यदि हामीले काम गर्यौ भने आउने दिनमा हाम्रो निम्ति जीत जीत रहने भागोप्रमोका अध्यक्ष अनित थापाले बताएका छन्। घुम बोयज उच्चतर माध्यमिक विद्यालयमा आयोजित दार्जीलिङ जिल्ला केन्द्रिय सहकारी व्याङ्कको बिशेष सभामा थापाले यी कुरा भनेका हुन्। यसै सभामा नयाँ सञ्चालन समितिकोको चुनाउ भएको थियो। 11 पदहरूको निम्ति भएको चुनावमा सबै पदहरूमा भागोप्रमोका उम्मेदवारहरुले विजय हासिल गरे। नयाँ सञ्चालन समितिमा केशवराज पोखरेल अध्यक्ष बनेका छन् भने सञ्चबीर सुब्बाले उपाध्यक्षको पदभार सम्हाल्ने छन्। विजयी हुने अन्य उम्मेद्वारहरूमा राजु थापा, लोकेश थापा, मुन्ना पाख्रिङ, विनय सुब्बा, किशोर चन्द्र राई, किन्ले ओम भुटिया, दुर्गा राई, चन्द्र दास राई अनि समीर छेत्री रहेका छन्।