हाम्रो स्वाभिमान ट्रस्ट, पश्चिम बङ्गाल राज्य समितिले सोमबार जडीबुटी दिवस पालन गरेको थियो। पतञ्जली योगपीठ र हाम्रो स्वाभिमान ट्रस्टका एक संस्थापक आचार्य महाराजको जन्मदिन ४ अगस्तलाई विश्वभरि नै जडीबुटी दिवस पालन गरिन्छ। यहीक्रममा हाम्रो स्वाभिमान ट्रस्ट, पश्चिम बङ्गाल राज्य समितिको लिम्बू बस्ती, चेकपोस्ट अवस्थित कार्यालयमा जडीबुटी दिवस पालन गरेको हो। राज्य समितिकी प्रमुख श्रीमती कुमारी निरोलाद्वारा अध्यक्षता गरिएको कार्यक्रमको सञ्चालन रुबेन गुरूङले अनि समापन केदार खवासले गरेका थिए। कार्यक्रममा अध्यक्ष, सचिवलगायत कोषाध्यक्ष सुश्री करूणा छेत्री, सदस्यहरू रमेश निरोला, इन्द्र प्रधान अनि दिव्या निरोलाले आचार्य महाराजको जन्मदिनमा हार्दिक वधाइ दिएका थिए। त्यसपछि स्थानीय विभिन्न जडीबुटीको परिचय गराउँदै तीबाट मानव जातिलाई हुने फाइदाहरूको बारेमा जानकारी गराएका थिए।
अमेरिकामा बेचिएका धेरै आइफोन भारत निर्मित
Paru Dewan
August 2, 2025
