गुरु पद्मसम्भवको प्रतिमा बसाउन अनितद्वारा भूमि पुजन

सोमबार मिरिकमा गुरु पद्मसम्भवको प्रतिमा स्थापनाको लागि भूमि पुजा गरियो। पाल्यूल ल्हाटुल रिन्पोर्छेको मन्त्रोच्चारणको साथमा जीटीए मुख्य कार्यपाल अनित थापाले भूमि पुजा गरे। यस अवसरमा बोल्दै जीटीए प्रमुख अनित थापाले मिरिक झील परिसरमा गुरु पद्मसम्भवको प्रतिमा स्थापना गरिनु मिरिक पर्यटन केन्द्रको पर्यटन विकासमा ठूलो टेवा पुग्नेछ बताए। तिनले गुरु पद्म सम्भवको प्रतिमा स्थापना राम्रोसित गर्न हामीले पनि साथ र सहयोग गर्नुपर्छ भन्दै यसलाई बुदिष्टको मात्रै होइन सबैको सम्पत्ति मान्नपर्ने बताए। तिनले प्रतिमा स्थपनाकोलागि माटो जाँच गर्नु पनि आवश्यक रहेको बताँउदै मिरिकमा विगतमा झील हेर्न मात्रै मानिसहरू आउँथे भने अबउसो गुरु पद्मसम्भवको प्रतिमा हेर्न पनि आउने बताउँदै जसले यहाँको धार्मिक पर्यटन पनि विकसित बन्ने बताए।
यस अवसरमा जीटीएका कार्यकारी सभासद अरूण सिग्ची, सभासदहरू धुर्ब बम्जन, मिलेस राई, मिरिक नगरपालिका अध्यक्ष एलबी राई लगायत विभिन्न गुम्बाका प्रतिनिधिहरू उपस्थित थिए।