खिदिरपुरमा सूर्योदय संस्थानद्वारा भानु जयन्ती पालन

कोलकाताको खिदिरपुरमा सूर्योदय संस्थानको तत्वावधानमा आदिकवि भानुभक्त आचार्यको जन्मजयन्ती पालन गरिएको थियो। डा. सञ्जीव भट्टचार्यद्वारा अध्यक्षता गरिएको समारोहमा प्रमुख अतिथि नेपाल वाणिज्य दुतावासका कन्सुलेट जेनरल झक्काप्रसाद आचार्य थिए। विशिष्ट अतिथिहरूमा डेप्युटी कन्सुलेट जेनरल जानकीराज भट्ट, काउन्सिलर स्वस्ती दास, जानकी माता नेपाली धार्मिक सङ्घका अध्यक्ष गुञ्जदास श्रेष्ठ, लैनसिंह बाङ्गदेल साहित्य कला प्रतिष्ठानका सचिव बिकास कार्की छेत्री, कोलकाता हाई कोर्टका अधिवक्ता जहाङ्गीर भाइलगायत अन्यान्यको उपस्थिति रहेको संस्थानका संस्थापक अनि सचिव राजु प्रधानले जानकारी दिएका छन्।