आशारिका फाउण्डेशनद्वारा मृगौला रोगी अनिकेत लिम्बुलाई आर्थिक सहयोग प्रदान

सोनादा, 12 जुलाई (निसं): आशारिका फाउण्डेशनले धजे क्षेत्रको 9 नम्बर बस्ती निवासी 24 वर्षीय अनिकेत लिम्बुलाई सात हजारको आर्थिक सहयोग प्रदान गरेको छ। मृगौला फेल भई जीवन-मरणको संघर्षमा रहेका अनिकेत हाल सिलगढीमा उपचाररत् छन्, जसका कारण उक्त सहयोग राशि उनका आफन्तलाई हस्तान्तरण गरिएको छ। यस अवसरमा फाउण्डेशनले रंगमुक चियाबारीका समाजसेवी लोकसोमो लेप्चाप्रति विशेष धन्यवाद प्रकट गरेको छ, जसले विगतमा समेत विभिन्न गम्भीर अवस्थाका बिरामीहरूबारे जानकारी गराउँदै आएका छन् र तिनीहरूलाई सहयोग गर्न फाउण्डेशनलाई अवसर दिलाएका छन्। फाउण्डेशनले आफूलाई यस्तो गम्भीर अवस्थाका बिरामीहरूमा सहयोग पुर्याउने माध्यम बनाउनुभएकोमा ईश्‍वरप्रति आभार प्रकट गरेको छ।