पोखरीलाई बचाउन आर्थिक सहयोगको अपील

६ माईल पोखरीलाई तयार स्थितिमा उभ्याउन पोखरी बचाऊ समितिले पहाडवासीसमक्ष आर्थिक सहयोगको अपील गरेको छ। चन्दा सङ्कलन गरेर सुरु गरिएको जीर्णोद्धार कार्य अहिले पनि युद्धस्तरमा चलिरहेको भए तापनि योजना पूरा गर्न अझ आर्थिक सहयोगको आवश्यक्ता पर्ने समिति अध्यक्ष विजयकुमार प्रधानले अवगत गराएका छन्।
बिहीबार निर्माणाधीन पोखरी परिसरबाट यस आशयको जनअपील गर्दै उनले क्युआर कोड पनि साझा गरे। प्राय: ३ दशक लामो समयकालपछि आरम्भ गरिएको पुर्ननिर्माण कार्यलाई हालसम्म सहयोग पुर्याउँदै आउने दाताहरुप्रति उनले आभार जनाएका छन्।