जीर्ण बाटोमा लड़ेर एक महिला गम्भीर घाइते

खरसाङ, 11 जुलाई (निसं):अ खरसाङको पुरानो प्लाजा सिनेमा हल उकालो डुमारामको बाटोमा एक महिला लड़ेर घाइते भएकी छन्। बाटोको अवस्था जीर्ण रहेकोले बाटोमा रहेको खाल्डामा झुक्किएर खुट्टा पस्दा उक्त महिला लड़िन् अनि घाइते बनिन्। महिलाको नली खुट्टाको हड्डी मासु छेड़ेर बाहिर निस्किएको छ। तिनलाई स्थानीय मानिसहरूको सहयोगमा उठाएर खरसाङ महकुमा अस्पताल ल्याइएको थियो। अस्पतालमा डाक्टहरूले जाँज गरेर प्राथमिक उपचारपछि टेकवीर बस्ती निवासी घाइते महिला शिशिला जर्जलाई उत्तर बंगाल मेडिकल कलेज अनि अस्पताल रेफर गरिएको छ। स्थानीय मानिसहरूले डुमारामको उक्त बाटो धेरै अघिदेखि जीर्ण रहेको र यस विषयमा नगरपालिकालाई जनाइएको बताउदै यस स्थानमा धेरै मानिस लड़िसकेको र यस पल्ट उक्त महिला लड़ेर गम्भीर घाइते बनेको बताएका छन्। स्थानीयहरूले जनसाधरणको सुरक्षाको निम्ति बाटोको मरमति गर्न पर्ने पनि माग गरेका छन्।