रेलिङ, 4 अगस्त (निसं): गत बर्ष झैँ यस बर्ष पनि श्री भुवनेश्वर शिवालय प्रगान बिहिबारे , रेलिङमा एघार दिवसीय श्री शिव महापुराण आजदेखि शुरू भएको छ। श्री शिव महापुराण आयोजक समिति रेलिङको मुख्य आयोजनामा भएको महापुराणमा आज कलश यात्रा गरि पहिलो दिनको अनुष्ठान शुरू गरियो । उक्त कलश यात्रा धेरैको सङ्ख्यामा श्रद्धालु तथा भक्तजनको व्यापक उपस्थितिमा भगवान भोलेनाथको भजनकिर्तन गाउँदै रेलिङ खोलाबाट पानी उठाएर मण्डम पूजा गरि पहिलो दिनको कथा सत्र शुरूवात गरियो।यस महापुराणमा मुख्य कथावाचकका रूपमा पण्डित भीम कोइराला सागफारा बिजनबारी तथा उपवाचकमा पण्डित ज्ञानु भाइ गाैतम रहेका छन भने उनीहरूको साथमा सम्पूर्ण टोली नै उपस्थित थिए।आजदेखि शुरू भएको महापुराण आगामी 13 अगस्तको दिन समापन हुने उक्त महापुराणमा भक्त अनुयायीहरूलाई यस धार्मिक अनुष्ठानमा उपस्थित रहेर कथा श्रवण गरिदिनु हुन आयोजक समितिले आग्रह गरेका छन्।
