दार्जीलिङ,18 जुलाई(निसं): प्रगतिशील उद्यमी कृषकहरू बडाअलैंचीको खेतिमा लागिपरेका छन्। पानीको मौसम शुरू भएदेखि नै प्रगतिशील कृषकहरू अलैंचीको विरूवा खोज तलासमा लागेका हुन्। पहाडमा अलैंची खेति सोचनीय हुदै गइरहेका भएपनि परिश्रमी तथा लगनशील कृषकहरूले बोटहरू रोप्ने तथा बडाउने काममा लागिपरेका छन्। झाडी, जंगल फाडेर रोपन गर्न पर्ने बडा अलैंचीको खेतिमा निकै जाँगर चाहिने हुन्छ। विभिन्न रोगव्याधिले सताउनुको साथमा सुखा मौसमले पनि अलैंचीको खेतिमा नोक्सान गर्ने गर्छन् तथापि हिजो आज यस खेतिमा कृषकहरूले धेरै चासो देखाइरहेको छ। नगदेबालीको रूपमा पर्ने यस खेतिले बस्ति वासीहरूको निम्ति राम्रो आयआर्जन संगै चाडबाडको समयमा फसल उठाउने खेति अनि राम्रो खेतिको रूपमा मानिन्छ। यसैले कृषकहरूको निम्ति अलैंची खेति आशाको पर्खाल हो। तर बर्खा झरीमा झर्को नमान्ने कृषकहरूले मात्र बोटहरू लगाउन र गोडमेलमा ध्यान दिन सक्छ। अलैंचीको कृषकहरूले हाल धेरै टाडाबाट विरूवाहरू खरिद गरेर विभिन्न प्रजातिका बोटहरू लगाइ रहेको छ भने पुर्ख्याउली विरूवाहरू विरलै पाइने कृषक बीबी राईले बताए। मलजल के कस्तो प्रयोग गर्नुहुन्छ भनि प्रश्न गर्दा घरेलु मटका पानी (लिक्विट फर्टिलाईजर) अनि गाईको गोबर आदिको प्रयोग गरेर नै अलैंचीको खेति योग्य हुने कृषकहरूले बताएको छ।
विभिन्न जंगली जनावरहरूको रगरगीले अन्य खेतिपातीहरू हुन नदिएपछि वैकल्पिक खेतिको रूपमा कृषकहरू अलैंचीको खेतिमा लागि परेको तथा अघिल्लो पिढीदेखि गर्दै आएको पुर्ख्यौली खेति अलैंचीलाई विभिन्न रोगहरूले ग्रस्त बनाइ सताइरहेका भएपनि ती बोटहरू उखेलेर अर्को विरूवा लगाइ रहेको मजुवा ग्राम क्षेत्रका कृषकहरूले जनाएकोछ।
