दार्जीलिङ,18 जुलाई(निसं): भारतीय जनता पार्टी(भाजपा) पार्टीले चुनावअघि गरेको प्रतिबद्धता पूरा गरेको भन्दै हिल-तराई आँगनवाडी कर्मी-सहकर्मी संगठन अन्तर्गत विभिन्न ब्लकका आँगनवाडी कर्मी तथा सहकर्मीहरूले पश्चिम बङ्गालका मुख्यमन्त्री सुवेन्दु अधिकारी तथा प्रधानमन्त्री नरेन्द्र मोदीलाई धन्यवाद व्यक्त गरे।
संगठनका प्रतिनिधिहरूले राज्य सरकारले आँगनवाडी कर्मी तथा सहकर्मीहरूको अतिरिक्त अनेरियम वृद्धि गरेको निर्णय स्वागतयोग्य रहेको बताएका छन्। उनीहरूले यस कदमले आँगनवाडी कर्मीहरूको मनोबल बढ्नुका साथै उनीहरूको सेवाप्रति सम्मान व्यक्त भएको बताएका छन्।
उनीहरूले अब केन्द्र सरकारले पनि आँगनवाडी कर्मी तथा सहकर्मीहरूको अनेरियमा 60 प्रतिशत वृद्धि गर्ने अपेक्षा व्यक्त गर्दै आफ्नो सरकारप्रति पूर्ण विश्वास रहेको बताएका छन्।
संगठनका सदस्यहरूको भनाइ अनुसार, सरकारले आँगनवाडी कर्मी तथा सहकर्मीहरूको भविष्य सुरक्षित गर्न थप सकारात्मक निर्णयहरू लिने विश्वास रहेको छ।
