दार्जीलिङ, 18 जुलाई(निसं):अरण्य साप्ताह पालन भईरहेको छ् भने उक्त अरण्य साप्ताहको अवसरमा विभिन्न कार्यक्रमसंँगै वृक्षरोपण कार्यक्रमहरु पनि भईरहेकोछ। यसरी नै दार्जीलिङ डिभिजन वन विभाग अधीनस्थ तक्दाह रेञ्ज अफिसर रचना प्रधानको उपस्थितिमा अरण्य साप्ताह पालन गरिरहेको जनाइएको छ् ।
गत 14 जुलाई देखि शुरु गरिएको उक्त अरण्य साप्तह आगामी 20 जुलाई सम्म चल्ने रेञ्ज अफिसरले जनाउदै अहिले आ-आफ्नो रेञ्ज अधिनस्थ क्षेत्रहरुमा उक्त अरण्य साप्ताह पालन भईरहेको बताइन्। अरण्य साप्ताह पालन गरिनुको तात्पर्य बारे जनाउदै रेञ्ज अफिसर प्रधानले भनिन् , अरण्य साप्तह पालन गर्नुको तात्पर्य आफ्नो क्षेत्रलाई हरियाली अनि स्वच्छ परिवेश कायम राख्नु अनि प्लास्टिक मुक्त बनाउनु यसको मुख्य उदेश्य हो । रेञ्ज अफिसर प्रधानले अझ भनिन् , गत 14 जुलाईको दिन दार्जीलिङ भानुभवनमा विधिवत् रुपमा शुरु गरिएको उक्त अरण्य साप्ताहको कार्यक्रम तक्दाह खण्ड कार्यलय हुँदै लामाहट्टा विद्यालय अनि आज लामाहट्टा भिलेज इको टुरिजम पार्क क्षेत्रमा पालन गरिएको हो भनिन्। उक्त अवसरमा विद्यार्थीहरुको पनि सहभागिता रहेको थप जनाइएकोछ।
रिम्बिक: रिम्बिक रेञ्ज अफिस तथा सिंगालिला नर्थ रेञ्ज संयुक्त आयोजनामा अरण्य सप्ताह-2026 कार्यक्रम उत्साहपूर्वक सम्पन्न भएको छ। वन संरक्षण, परिवार सन्तुलन र हरियाली वृद्धि गर्ने उद्देश्यले आयोजित कार्यक्रममा विद्यार्थी, शिक्षक तथा विभिन्न सामाजिक एवं धार्मिक संस्थाहरूको सहभागिता रहेको थियो।रिम्बिक सार्वजनिक खेल मैदानबाट सुरु भएको जनचेतनामूलक र्याली रिम्बिक बजार परिसर हुँदै नोट्रेडेम एकेडेमी(एनडीए) पुगेर सम्पन्न भयो। सहभागीहरूले वन संरक्षण, परिवार जोगाऔँ, वृक्षारोपण गरौँ र प्रकृतिप्रति जिम्मेवार बनौँ भन्ने सन्देश बोकेका प्लेकार्ड प्रदर्शन गरेका थिए।
यस अवसरमा विभिन्न विद्यालयका विद्यार्थीहरूबीच बस अनि चित्र बनाउ प्रतियोगिता पनि आयोजना गरियो, जहाँ वन, जैविक विविधता र पर्यावरण संरक्षणसँग सम्बन्धित आकर्षक चित्रहरू प्रस्तुत गरिएका थिए। र्यालीमा रिम्बिक उच्चतर माध्यमिक विद्यालय, एनडीए, कर्नरस्टन एकेडेमी, सेभेन हेभन नर्सरी स्कुल, साई सेवा समिति तथा शाक्य छोपलिङ गुम्बाका सदस्यहरूको उपस्थिति रहेको थियो। उपस्थित सबैले एन डी ए विद्यालय परिसरमा वृक्षारोपण गरिएको थियो। आयोजकहरूले यस्ता कार्यक्रमले नयाँ पीडीमा वन तथा पर्यावरणप्रति जिम्मेवारीको भावना विकास गर्न महत्वपूर्ण भूमिका खेल्ने विश्वास व्यक्त गरिएकोछ जानकारी वन विभागले दिएकोछ।
