बेगुनियाको संसार, संजय मुखियाको नर्सरी

राङभाङ फरेष्ट बस्ती सूर्य फार्म एण्ड नर्सरीका संचालक संजय मुखिया युवाहरूका लागि प्रेरणाका स्रोत हुन्। मुखिया एक उद्यमी कृषक हुन् भने उनले कृषि, वागवानी अनि पशुपालनलाई अपनाएर असल जीवन विताइरहेका छन्। बाबा,आमा अनि फुपुहरूले विगतमा कृषि अनि वागवानी गर्ने गरेको अनि उनीहरूबाट प्रेरित भई संजय मुखियाले उक्त कार्यलाई आज पर्यन्त निरन्तरता दिइरहेका छन्। मुखियाको नर्सरी विशाल छ। जहाँ उनले मौसम अनुसार फूल खेती गर्छन् भने साग सब्जी पनि उमार्छन्। उनको नर्सरीमा हाल हजारौं विभिन्न रङ्ग विरङ्गी बेगुनिया फुलेको छ भने धेरै सीडहरू पनि रहेको छ। उनी एक पशुपालक पनि हुन् जसले दुईवटा जर्सी गाई पालेका छन् भने आधुनिक पद्धतिमा नयाँ जातको बाख्रा पालेका छन्। कृषि वागवानी अनि पशुपालनमा नै दैनिकी बिताउने संजय मुखियासित सबै थोक रहेका छन्।