खरसाङ,
(निसं)ः अविरल वर्षाको कारण क्षतिग्रस्त बनेको खरसाङ्को सुधपा टोलस्थित कप्तान सुरज शर्मा पथ (बाइपास रोड) को खरसाङ चिम्नी देवराली सभासद् श्याम शेर्पाले निरिक्षण भ्रमण गरेका छन्। भ्रमणको अवधिमा सभसद्ले यो क्षतिग्रस्त सड़कको छेउ-छाउका निवासीहरूसित क्षतिग्रस्त सड़क अनि यो सड़क अझ भत्किएको खण्डमा हुन सक्ने सम्भावित खतराको बारेमा चर्चा गरेका छन्। आफ्नो निरीक्षण भ्रमणको बारेमा बताउदै सभासद् श्याम शेर्पाले भने, वार्ड नम्बर 9 का पार्टी प्रतिनिधिहरूले यहाँको सड़क क्षतिग्रस्त बनेको बारेमा मलाई जानकारी गराएपछि म तुरुन्त निरीक्षणको निम्ति आएको हुँ। मैले निरीक्षणको अवधिमा पाएँ, यहाँ सड़क मुनि रहेको कलभर्टको सबै सुरक्षा देवाल भत्किएको रहेछ, सुरक्षा देवाल भत्किएपछि सड़क मुनिको जमिन झोड़ाको भलले खोतलेर सड़क मुनिको भाग खोक्रो बनाएको रहेछ। सड़क खोक्रो बनेकोले अनि सड़क दबिएकोले यहाँबाट गाड़ी कुदाउन पनि अति जोखिम पूर्ण बनेको छ। यो क्षतिग्रस्त सड़क अनि यसबाट हुन सक्ने सम्भावित जोखिमको बारेमा मैला जीटीए मुख्य कार्यपाल अनित थापालाई जानकारी गराइसकेको छु। मुख्य कार्यपालले चाँड़ो भन्दा चाँड़ो विभागीय पक्षसित सम्पर्क गरेर मरमतिको कार्य चाँड़ो भन्दा चाँड़ो गराउने निर्देश दिएका छन्। कागज पत्रको काम शीघ्र गरेर मरमतिको काम 1-2 दिन भित्रमा हामी आरम्भ गराउने छौँ। सड़क मुनिको कलभर्टको देवाल अनि माटो भलले काटेर सबै बगाएकोले हामी चालकवर्गलाई यहाँबाट गाड़ी नचलाइदिने अपिल गर्छौँ। भारतीय गोर्खा प्रजातान्त्रिक मोर्चा खरसाङ टाउन कमिटी तथा वार्ड नम्बर 9 का नेता बन्धन लामा पनि सभासद्सित भ्रमणको अवधिमा रहेका थिए। तिनले दार्जीलिङबाट आएका गाड़ीहरू खरसाङ टुरिष्ट लजबाट सिलगढ़ी जनलाई यो सड़क वन् वेको रुपमा प्रयोग गरिने भएकोले यो बाटो अति महत्वपूर्ण छ। सड़क मुनिको जमिन भलले काटिएको कारण खोक्रो बनेकोले यहाँबाट गाड़ी नचलाइदिने अपिल गर्छौँ। यहाँ हुन सक्ने सम्भावित जोखिमलाई ध्यानमा राखेर मोटर बाईक, स्कुटीहरू पनि नकुदाइदिने हामी अपिल गर्छौँ। सभासद् श्याम शेर्पा, खरसाङ अभियान्त्रिकी विभागका अभियन्ताहरू, पुलिस प्रशासनका अधिकारीहरूले यो क्षतिग्रस्त सड़कको निरीक्षण गरिसकेका छन्। चाँड़ै सड़कको मरमति हुने कुरोमा हामी विश्वस्त छौँ भनी बताए।
गाउँलाई पुच्का खुवाउने परिश्रमी भाष्कर राई
Rabin Rai
December 4, 2025
