भाजपा दार्जीलिङ जिल्लाद्वारा सेवा पखवाडा बैठक

भारतीय जनता पार्टी दार्जीलिङ जिल्लाद्वारा सेवा पखवाडा कार्यक्रम सम्बन्धी एक संगठनात्मक बैठक मङ्गलबार सम्पन्न गरेको छ। यो कार्यक्रम आगामी १७ सेप्टेम्बरमा प्रधानमन्त्री नरेन्द्र मोदीको जन्मदिनको अवसरमा सञ्चालन गरिन लागिएको हो।
बैठक जिल्ला अध्यक्ष संजीव लामाको अध्यक्षतामा सम्पन्न भएको थियो। कार्यक्रममा महिला मोर्चा जिल्ला अध्यक्ष श्रीमती चन्द्रकला राईले सञ्चालन गरेकी थिइन् भने सेवा पखवाडाको उद्देश्य र कार्यक्रमबारे विस्तृत जानकारी जिल्ला महासचिव राजु थुलुङ राईले प्रस्तुत गगरेका थिए। यस अवसरमा दार्जीलिङका सांसद राजु बिष्टको विशेष उपस्थिति रहेको थियो। उनले आगामी संगठन सुदृढीकरण अभियान, संसदीय खेल महोत्सव लगायतका कार्यक्रमहरूबारे मार्गदर्शन गरेका थिए। यसका साथै, हालै गठन भएको नयाँ जिल्ला कार्यसमितिको पहिलो बैठक भएकाले यसलाई ऐतिहासिक दृष्टिले पनि महत्त्वपूर्ण मानिएको छ।