मन्त्री पुरण गुरुङद्वारा नयाँ एसटीएनएमका रोगीहरूसङ्ग भेटघाट

छुजाचेन निर्वाचन क्षेत्रका विधायक एवं मन्त्री पुरण कुमार गुरुङले नयाँ एसटीएनएम अस्पतालमा उपचाररत आफ्नो निर्वाचन क्षेत्रका अस्वस्थ र बिरामीहरूसँग भेटघाट गरे। प्रत्येक बिरामीसँग भेटेर उनले स्वास्थ्य अवस्थाको जानकारी लिए। आवश्यक सहयोग स्वरूप केही आर्थिक सहयोग पनि उपलब्ध गराउँदै उनले बिरमारीहरूको शीघ्र स्वास्थ्यलाभको कामना गरेका छन्। सरकारले जनतालाई अझ मजबुत स्वास्थ्य सेवा सुविधा उपलब्ध गराउन निरन्तर प्रयासरत रहने प्रतिवद्धता पनि उनले व्यक्त गरेका छन्।