दार्जीलिङ, 2 दिसम्बर(निसं): दिसम्बर महिनाको चिसो रातमा मनोरञ्जन अनि मित्रताको भेटघाट कार्यक्रम भइरहेको बेला आफ्नै छिमेकीलाई कैचीले प्रहार गर्दै निर्मम हत्या गर्ने दीप तामाङ उर्फ जुगललाई आज दार्जीलिङ जिल्ला अनि सत्र अदालत दोषी प्रमाण पाएपछि हत्यारा तामाङलाई आजीवन सश्रम कारावासको सजाय सुनाएको छ। यसरी अदालत तथा कानुनले आफ्नो भाइको हत्यारालाई सजाई दिएको साथै दिवंगत भाइले न्याय पाएकोमा हर्ष प्रकट गर्दै जिल्ला अदालत कानुन अधिकारीहरू साथै गवाहीहरूलाई मृतक उर्गेन तामाङ (55) का दिदी तथा परिवारले धन्यवाद दिएकोछ।
दार्जीलिङ जिल्ला अदालत सरकारी अधिवक्ता प्रणय राईले घटनाबारे विस्तार गर्दै बताए अनुसार, गत वर्ष 2024 सालको दिसम्बर महिनाको30 तारिखको राती रङ्गली-रङ्गलीयट थाना अन्तर्गत पर्ने लोवर लामाहट्टा बस्ती निवासी 55 वर्षीय उर्गेन तामाङलाई छिमेकी दीप तामाङ उर्फ जुगलले हत्या गरेको घटना प्रकाशमा आएको थियो।
घटना अनुसार, डिसेम्बर महिनाको अन्ततिर 30 डसम्बरको राती मनोरञ्जनपूर्ण भेटघाट कार्यक्रम भइरहेको समय त्यस मनोरञ्जन दलभित्र रहेका दीप तामाङ उर्फ जुगल साथै उर्गेन तामाङबीच तातो भनाभरी भएको थियो , त्यस भना भैरीको समय दिपु तामाङ उर्फ जुगलले छेवैको कैची उठाएर प्रहार गर्दै उर्गेन तामाङको हत्या गरेका थिए, यस घटना लिएर रङ्गली-रङ्गलीयट थानामा प्राथमिकी दर्ता भएपछि दीप तामाङ उर्फ जुगललाई पक्राउ गरिएको थियो।
आजसम्म उनी न्यायपालिकाको हिरासतमा थिए भने आज उनलाई दार्जीलिङ जिल्ला अनि सत्र अदालतका न्यायाधीश जिमुदवाहन विश्वासले आजीवन सहश्रम कारावासको सजाई सुनाएको सरकारी अधिवक्ता प्रणय राईले बताए। सरकारी अधिवक्ता प्रणालीको जानकारी अनुसार त्यस घटनालाई लिएर 14 जनाको गवाही साथै छानबिन प्रक्रिया पूरा भएपछि जिल्ला अदालतले उनलाई हत्याराको रूपमा भारतीय दण्ड संहिता अन्तर्गत आजीवन सहश्रम कारावास सुनाएको हो।
