कालेबुङ एनजीओ नेटवर्कको वार्षिक आमसभा होसन्ना च्यारिटेबल ट्रस्टको सभाहलमा अध्यक्ष निरियस मुखियाको अध्यक्षतामा सम्पन्न भएको छ। सन् 2017 मा स्थापना भएको उक्त संगठनले जिल्लाभरिका सक्रिय सामाजिक संस्थाहरूलाई एकजुट गर्दै विभिन्न सेवामूलक कार्य गर्दै आइरहेको छ।
सभामा वर्ष 2025/26 का लागि सदस्य संस्थाहरूलाई मेम्बरसिप सर्टिफिकेट वितरण गरियो। साथै आगामी दिनहरूमा अझ सशक्त ढंगले सामाजिक कार्यहरू सञ्चालन गर्ने तथा जिल्लाका सबै पञ्जीकृत र सक्रिय संस्थाहरूलाई नेटवर्कमा समेट्ने निर्णय गरिएको जानकारी प्राप्त भएको छ। सदस्यता लिन चाहने संस्थाहरूले आवश्यक औपचारिकता पूरा गर्नुपर्ने जनाइएको छ।
