हात्तीको आक्रमणबाट मृत्यु हुने परिवारसङ्ग भेटे टोप्पोले

मदारिहाटका विधायक र तृणमूल ब्लक प्रेसिडेन्ट जयप्रकाश टोप्पोले मदारीहाटमा अचानक जंगली हात्तीले आक्रमण गर्दा आमा र नानीलगायत गाउँलेको दुःखद मृत्युमा गहिरो शोक व्यक्त गरेका छन्। खारियापाडा र मध्य छेकमारीमा भएको घटना हृदयविदारक छ। टोप्पोले शोकाकुल परिवारसङ्ग कुराकानी गरी आफु उनीहरूको साथमा रहेको बताए। आफ्ना प्रियजन गुमाएको यो कठिन समयमा विधायकको रूपमा हरेक क्षण तपाईंको साथमा भन्दै आश्वासन दिए। उनले राज्य सरकारले छिट्टै क्षतिपूर्ति सुनिश्चित गर्ने आश्वासन पनि टोप्पोले दिए। साथै, भविष्यमा यस्ता घटना दोहोरिन नदिन, वन विभागलाई आवश्यक कदम चाल्न निर्देशन दिइएको बताए।