बागडोग्रा जंगलिबाबा मन्दिर सडक नजिकै ६/१ जीआरको एक सेना गाडी दुर्घटनामा परेर अग्निवीर प्रयाश गुरुङको मृत्यु भएको छ। सेनाका अनुसार, दुर्घटनामा घाइते भएका प्रयाश गुरुङ लगायत अन्यलाई बेङडुबारी स्थित सेना अस्पताल पुर्याइएको थियो, तर प्रयाशको ज्यान बचाउन सकिएन।
उक्त दुर्घटनामा नाइब सुबेदार तिर्थ बहादुर थापा र सवारी चालक लानायक वरुण थापा पनि घाइते भएका छन्। प्रयाश गुरुङ मर्निङ बीजानबारी ब्लक अन्तर्गत रेलिङ ग्राम पंचायतको लोअर लामा गाउँका बासिन्दा थिए। उनी विद्याज्योति एकेडेमी, बीजानबारीका विद्यार्थी थिए। यो दुःखद घडीमा हामी उहाँको परिवार र साथीभाइप्रति गहिरो समवेदना व्यक्त गर्दछौं। भगवानले पीडित परिवारलाई धैर्य धारण गर्ने शक्ति प्रदान गरून।
