27 र 28 चौरास्तामा किराँती खम्बु राई सांस्कृतिक उत्सव 

दार्जीलिङ,24 जून (निसं): किराँती खम्बुराई सांस्कृतिक संस्थान(केकेएसएस) दार्जीलिङ केन्द्रीय समितिको आयोजनामा आगामी 27 अनि 28 जूनको दुई दिन दार्जीलिङको मुटु मानिने चौरस्ता परिसरमा किराँती खम्बु राई सांस्कृतिक उत्सव भव्य रूपमा पालन गरिने भएको छ। यस कार्यक्रममा किराती खम्बुराई समुदाय को सांस्कृतिक पारम्परिक साथै प्रारम्भिक विषयसम्बन्धी प्रदर्शनी साथै कार्यक्रमहरू राखिने भएको जानकारी सांस्कृतिक संस्थान दार्जीलिङ जिल्ला समिति अध्यक्ष किशोर राई किराँती खम्बु राई सांस्कृतिक उत्सव आयोजन आयोजक सचिव सुरेखा राईले जानकारी दिएका छन्। कार्यक्रम सम्बन्धी आयोजक सचिव सुरेखा राईले बताए अनुसार आगामी 27 अनि 28 दुई दिन हुने किराँती खम्बु राई सांस्कृतिक उत्सव कार्यक्रममा अतिथिहरूको रूपमा प्रमुख अतिथि छिमेकी राज्य सिक्किमका मुख्यमन्त्री पीएस गोले दार्जीलिङ लोकसभा सांसद राजु विष्ट दार्जीलिङ विधायक नमन राई साथै अन्य विधायकहरु पनि उपस्थित रहनेछन् ।उनले भनिन् ,वर्तमान युवा पिढीलाई आफ्नो जातीय परम्परा संस्कृति अनि रीतिरिवाज गीत-संगीत साथै सम्पूर्ण कुराहरू जानकारी गराउन यस प्रकारको कार्यक्रम राखेको हो। कार्यक्रममा खम्बुराई समुदायको संस्कृति परम्परालाई अझ बलियो बनाउँदै समुदायभित्र एकताको बल थप्ने योजना पनि यस कार्यक्रममा रहेको छ। यसैबीच दार्जीलिङ जिल्ला समिति किराँती खम्बुराई सांस्कृतिक संस्थान अध्यक्ष किशोर राईले बताए अनुसार यस प्रकारको कार्यक्रममा खम्बुराई समुदाय साथै शाखा-प्रशाखाद्वारा पूर्ण सहयोग रहेको छ, यसरी नै सधैं संस्थानमाथि क्षेत्रहरूले सहयोग गरेर अघि बढ्ने पनि उनले आह्वान गरे। दार्जीलिङ प्रेस गिल्ड कार्यालयमा भएको पत्रकार सम्बोधनमा उपकार नेचाली राईको पनि उपस्थित थिए।