क्रामाकपा सोनादा जोन २ को स्थानीय २ शाखा कमिटीलाई लिएर सभा

मार्गरेटस होपमा क्रामाकपा पार्टी सोनादा जोनल ( २ )को स्थानीय दुई वटा साखा कमिटीलाई लिएर कम० शरद बिश्वको सभापतित्वमा सभा सम्पन्न गरियो। उक्त सभामा हालको बगालमा भाजपा सरकार गठन वा नयाँ सरकारप्रति बधाई टक्राउॅदै दार्जिलिङ, कालेबुङ,खर्साङ क्षेत्रमा नवनिर्वाचित भाजपा विधायक साथै तराईका दुई विधायकप्रति पार्टीको तर्फबाट बधाई दिदै बगालमा परिवर्तन आम नागरिकको हितमा हुनेछ र यो सरकारले गोर्खाहरूको दिर्घकालिन माग वा राजनैतिक समस्यालाई बगालदेखि अलग्गै संविधानिक समाधान अविलम्ब गरिदिने अपिल गर्दै हाल पहाडको राजनैतिक परिपेक्ष माथि मन्थन गरियो। पहाडमा केन्द्र सरकारद्वारा सञ्चालित जल जीवन मिशन अन्तर्गत पिउने पानी योजनाबद्ध कार्यान्वयन भएको छैन। हरेक क्षेत्रमा बिशेष स्थानीय क्षेत्रतिर अधुरो कार्य/ कामै नगरिएको स्थिति ज्वलन्त उदाहरण छ, पिउने पानीको समस्या प्रत्येक गाउँ घरमा छ र सम्बन्धित निकाय अन्तर्गत सरकारले उक्त कार्य चाडो भन्दा चाडो हस्तक्षेप गरि योजनाबद्ध तरिकाले कार्यान्वयन गरिदिने छ भनि आशावादि रहेको सभामा बताए। ग्रामीण क्षेत्रमा पन्ध्र र सोलौ आयोगको के कति योजनाहरू कार्यान्वयन भयो कति भएन सम्बन्धित अन्य योजनाहरू बुझ्न खण्ड बिकास अधिकारी तथा ग्राम पञ्चायत कार्यालयमा डेपुटेशन दिन पार्टीद्वारा टोली जाने प्रस्ताव गृहीत गरियो। उक्त सभामा १९५५ ऐतिहासिक मारगेट्स होप आन्दोलनमा शहीद भएकाहरूलाई श्रद्धाञ्जली एवं शहीद दिवस आगामी २५ जून को दिन सोनादा बजारमा पालन गरिने पनि आजको सभाले निर्णय गरियो। आजको सभामा केन्द्रीय कमिटिका उपाध्यक्ष आर० पी० पाख्रिन, केन्द्रीय कमिटीका एन० आर० सुब्बा,जोनल सचिव जे० के० सुब्बा केन्द्रीय कमिटीका आर० के० राई नारी सयोजिका फूलसरी तामाङ लगायत शाखा कमिटीका सदस्य/ सदस्याहरूको उपस्थिति रहेको थियो।