इन्डियन गोर्खा जनशक्ति फ्रण्ट दार्जीलिङ टाउन कमिटीको एक महत्त्वपूर्ण संगठनात्मक बैठक टाउन कमिटीका अध्यक्ष श्री सञ्जीव मोथे,महासचिव श्री अर्जुन राई तथा नव-नियुक्त सम्पूर्ण पदाधिकारी एवं विभागीय जिम्मेवारी प्राप्त सदस्यहरूको उपस्थितिमा सम्पन्न भयो।
बैठकमा संगठनलाई जरा तहसम्म सुदृढ बनाउने तथा भावी कार्य दिशाबारे विस्तृत छलफल गरियो।अनुशासित,पारदर्शी र जनमुखी संगठन निर्माण गर्दै दार्जीलिङको जनताको सेवामा समर्पित रहने प्रतिबद्धतालाई विशेष जोड दिइयो।
दार्जीलिङ टाउन कमिटीले नियमित रूपमा जनतासँग प्रत्यक्ष अन्तरक्रिया गर्दै जनसम्पर्कलाई अझ प्रभावकारी बनाउने,बुथ तथा वार्ड स्तरमा संगठनलाई मजबुत पार्ने,युवा तथा महिलाहरूको सक्रिय सहभागिता सुनिश्चित गर्ने तथा सबै कमिटी सदस्यहरूबीच समन्वयलाई अझ सुदृढ बनाउने निर्णय गरेको छ।साथै,जनगुनासोहरूलाई प्राथमिकताका साथ सम्बोधन गर्दै दार्जिलिङ क्षेत्रको सामाजिक तथा विकास सम्बन्धी आवश्यकताहरू पूरा गर्न निरन्तर कार्य गर्ने प्रतिबद्धता पुनःव्यक्त गरिएको छ।
नेतृत्वले संगठनले वातावरण संरक्षणसम्बन्धी जनचेतना कार्यक्रम,स्वास्थ्य शिविर तथा सामुदायिक सेवा लगायतका विभिन्न सामाजिक कल्याणकारी कार्यक्रमहरू सक्रिय रूपमा सञ्चालन गर्ने तथा दार्जीलिङको जनसरोकारका विषयहरूमा निरन्तर आवाज उठाउँदै काम गर्ने प्रतिबद्धता पनि व्यक्त गरेको छ।
यस अवसरमा अध्यक्ष श्री सञ्जीव मोथेले भन्नुभयो: “हाम्रो पहिलो प्राथमिकता भनेको जनतासँग प्रत्यक्ष रूपमा जोडिएको,बलियो,एकताबद्ध र अनुशासित संगठन निर्माण गर्नु हो।प्रत्येक पदाधिकारीले इमानदारी,समर्पण र उत्तरदायित्वका साथ दार्जीलिङको हित र जनकल्याणका लागि कार्य गर्नुपर्छ।” महासचिव श्री अर्जुन राईले भन्नुभयो: “यो दार्जीलिङ टाउन कमिटीको अझ सक्रिय र व्यवस्थित यात्राको शुरुवात हो।प्रत्येक विभागीय जिम्मेवारी प्राप्त सदस्यलाई स्पष्ट दायित्व प्रदान गरिएको छ,र हामी सबै मिलेर संगठनलाई अझ सुदृढ बनाउँदै इमानदारी र प्रतिबद्धताका साथ जनताको सेवा गर्नेछौं।”
बैठकको अन्त्यमा सम्पूर्ण पदाधिकारीहरूले संगठनात्मक एकता,अनुशासन तथा दार्जीलिङको जनताको विकास र कल्याणप्रति पूर्ण समर्पित भई कार्य गर्ने सामूहिक प्रतिबद्धता व्यक्त गरे।
