गोर्खा राष्ट्रिय मुक्ति मोर्चाले चुनाउ भन्दा मुद्दा हाम्रो निम्ति पहिलो प्राथमिकता भएको बताउँदै पार्टीले सोनादा टाउन कमिटीको सांङ्ठनिक सभा सम्पन्न गरेको छ। जुन सभामागोर्खा राष्ट्रिय मुक्ति मोर्चा सोनादा टाउन कमिटीको प्रतिनिधिवर्गलाई लिएर आज सोनादा भालुटार बस्तीमा सांङ्ठनिक सभा सम्पन्न भएको पार्टीका मिडिया सेल प्रभारी दिनेस साम्पाङले जानकारी दिएका छन्। सोनादा टाउन कमिटी अध्यक्ष रुस्तम छेत्रीको अध्यक्षतामा सम्पन्न भएको सभालाई गोरामुमो खर्साङ ब्राञ्च कमिटी प्रचार प्रसार सचिव भुपेन गुरुङले सञ्चालन गरेका थिए।
सभामा संगठन बिस्तार हेतु सोनादा टाउन कमिटीमा थप नयाँ कार्यकारिणी सदस्यहरु चयन गरिएका छन्। सोनादा टाउन कमिटीलाई बलियो बनाउनको निम्ति विभिन्न रणनीतिहरु अपनाउदै सभामा व्यापक चर्चा परिचर्चा गर्दै केन्द्रीय समितिको निर्देशन अनुसार कार्य गर्ने सभाले प्रस्ताव पारित गरे। सभा पछि सोनादा टाउन कमिटी अध्यक्ष रुस्तम छेत्रीले आफ्नो बिज्ञप्ति जारी गर्दै भने, आजको सांङ्ठनिक सभाको मुख्य उद्देश्य भनेको संगठन बिस्तार अनि बर्तमान राजनैतिक परिवेश माथी छलफल भयो। अहिले चुनाउको माहोल छ र पहाडको सम्पुर्ण राजनैतिक दलहरू चुनाउमा ब्यस्त छ तर गोरामुमो अनि पार्टी अध्यक्ष मन घिसिङ मुद्दाको निम्ति केन्द्रित छ चुनाउ भन्दा मुद्दा पहिलो प्राथमिकता हो गोरामुमोको निम्ति। भारत सरकारले अहिले सम्म मुख खोलेको छैन। पार्टी अध्यक्ष मन घिसिङको नेतृत्वमा भारत सरकार संग गर्नुपर्ने निभाउनु पर्ने जिम्मेवारीहरु सबै निभाइसकेका छन्। दार्जीलिङ पहाडमा जीटीए जस्तो अंसवैधानिक ब्यवस्थाले गर्दा तपाईं हामी लथालिङ्ग भएका छौं। गोरामुमोले जीटीए ब्यवस्थाको बिरोध मात्र होइन तर ब्यवस्थालाईनै खारेज गर्नु पर्ने जोड दिदै उच्च न्यायलयमा मुद्दा हालेको छ।अब जीटीए हटाउ संविधान बचाउ भन्ने पटि लाग्नु पर्छ गोरामुमोको मुल मुद्दा भनेकोनै सम्पुर्ण गोर्खा जातिले आफ्नो भुभागको सुरक्षा, आफ्नो संस्कृतिको सुरक्षा भएको भारतको संविधानको प्रावधान अनुरुप न्याय पाएको होस् ताकी हामी सुरक्षित बाँच्न सकौ। यसैकारण अब सम्पुर्ण पहाडवासी एक भएर अगि बडौ चुनाउ त आउँछ अनि जान्छ तर हामी सुरक्षित भएनौ भने भविष्यमा हाम्रो अवस्था यो भन्दा दयनीय हुनेछ भनी रुस्तम छेत्रीले जनाएका छन्।
