हामी केवल शिलान्यास गर्नेहरू होइनौं, हामी सपना देख्छौं र ती सपनालाई यथार्थमा परि णत पनि गर्दै जान्छौं। यसक्रममा
रङबुल–धोतरिया–रङमुक समष्टि अन्तर्गत पर्ने रङमुक, चन्द्रमानधुरा, मिलिङ, धोतरिया लगायतका स्थानीय गाउँहरूलाई जोड्ने सडक र पुल निर्माण कार्य अहिले अन्तिम चरणमा पुगेको छ। यो केवल पूर्वाधार निर्माण होइन, यो पुस्तौंदेखि छुट्टिएको आत्मीय सम्बन्धलाई फेरि जोड्ने प्रयास हो।
पहिले आफ्नै समष्टि भित्र ओहोर–दोहोर गर्न पनि अन्य समष्टि भएर जानुपर्ने बाध्यता थियो। आफ्नै घर पुग्न घुमाउरो बाटो, दुःख र झन्झट सहनुपर्ने अवस्था थियो। आज त्यो समस्या अन्त्य हुँदैछ। अब आफ्नै माटोमा, आफ्नै बाटो भएर हिँड्ने अधिकार र सहजता सुनिश्चित हुँदैछ।
विगतमा राजनीतिक दृष्टिकोणले ओझेलमा पारिएका यी गाउँहरू आज नयाँ आशा र उज्यालो भविष्यतर्फ अघि बढिरहेका छन्। गोर्खाल्याण्ड क्षेत्रीय प्रशासन का प्रमुख कार्यपाल श्रीमान अनित थापा को पारदर्शी सोच, प्रतिबद्धता र विकासप्रतिको इमान्दारिताले पुस्तौंदेखि देखिएको सपना साकार हुँदैछ।
यो केवल सडक र पुलको निर्माण होइन, यो विश्वासको पुनर्निर्माण हो।
यो केवल संरचना होइन, यो समृद्धि र सम्भावनाको नयाँ ढोका हो।
आउनुहोस्, यस ऐतिहासिक क्षणलाई हामी सबैले साझा गर्वका साथ मनाऔँ। हाम्रो समष्टिको विकास, हाम्रो आफ्नै हातबाट सम्भव छ भन्ने प्रमाण आज फेरि स्थापित भएको क्षेत्रीय सभासद राजेश चौहानले बताएका छन्।।
