सहयोगी हात समूह इजरायलको प्रथम स्थापना दिवस पालन

दार्जीलिङ,20 अप्रेल(निसं): शुक्रबार एक कार्यक्रमको साथमा सहयोगी हात समूह इजरायलद्वारा समूहको स्थापना भव्यताको साथमा पालन गरेकोछ। इजरायल स्थित तेल अभिब शहरमा आयोजित कार्यक्रमबीच सहयोगी हात समूह इजरायलले समूहको स्थापना दिवससगै पहिले बर्षगाँठ अति हर्सोलासको साथ मनाएको समुहका एक पदाधिकारी विधान पोख्रेलले दर्पणलाई बताएका छन्। समुहको जानकारी अनुसार, कार्यक्रममा समुहका सम्पुर्ण पदाधिकारीवर्ग सगै सदस्यहरुको साथमा विभिन्न सघसस्थाका प्रतिनिधिहरुको विशेष रूपमा उपस्थित रहेको थियो। समूहका उपसभापति तरुण बान्तवा राईद्वारा सञ्चालित कार्यक्रमको अध्यक्षता समूहका सभापति अनिल गुरूङले गरेका थिए भने समूहका सचिव अभिनाश राईले उपस्थित सम्पुर्ण स्वागत जनाए। यसैबीच कार्यक्रममा उपस्थित विभिन्न संघ संस्थाहरूले आ-आफ्ना वक्तव्य राख्दै समुह निर्माण भएको एक सालमै धेरैवटा सामाजिक कामहरु गरेको तथा विदेशी मुलुकमा असुविधाहरुमा परेका सर्वसाधारणको निम्ति धेरै कामहरु गरेको बताए भने समुह निरन्तर रूपमा अघि बढ्नुपर्ने बताए। कार्यक्रमलाई थप मनोरञ्जन प्रदान गर्दै नृत्य अनि गीत संगीत पनि समावेश गरिएको थियो भने कार्यक्रम निकै भव्य अनि सभ्य भएको समुहका एक पदाधिकारी विधान पोख्रेलले दर्पणलाई बताएका छन्।