पार्टीको दृष्टिकोण प्रभावकारी प्रसार गर्ने र जनसमक्ष पुराउन जोड

सिक्किम डेमोक्र्याटिक फ्रन्ट एसडीएफ पार्टीले गान्तोक मुख्यालयमा प्रेस प्रचार र प्रवक्ताहरूको बैठक आयोजना गरेको थियो। जसमा आफ्नो प्रेस प्रचार र प्रवक्ताहरूको टोलीको बैठक बैठक कृष्ण खरेल, एसडीएफ पार्टीका वरिष्ठ उपाध्यक्षको नेतृत्वमा बोलाइएको थियो।
बैठकमा सिक्किमका जनताको कल्याण र विकासका लागि आगामी पार्टी एजेन्डा, कार्यक्रम र पहलसम्बन्धी छलफलमा केन्द्रित भयो। सञ्चार रणनीतिहरू मजबुत पार्ने, पार्टीका दृष्टिकोणको प्रभावकारी प्रसार गर्ने र जनसमक्ष समन्वित पहुँच सुनिश्चित गर्ने कुरामा जोड दिइयो। बैठकमा उपाध्यक्ष तथा महिला पङ्क्तिका इन्चार्ज श्रीमती कोमल चाम्लिङको उपस्थितिले गरिमामय बनाएको थियो, साथै अन्य वरिष्ठ नेताहरू र पार्टी सदस्यहरू समेत उपस्थित थिए। दक्षिण नाम्ची जिल्ला र गान्तोक जिल्लाका सदस्यहरू पनि सहभागी भएर महत्वपूर्ण सुझावहरू प्रस्तुत गरे।
चर्चाहरूले जनता केन्द्रित शासन, पारदर्शी नीतिहरू र युवापुस्ता र समाजसँग सम्ब न्धित मुद्दाहरूमा सक्रिय सहभागितामा एसडीएफ पार्टीको निरन्तर प्रतिबद्धता झल्काएको थियो। बैठक पार्टीका कार्यक्रमहरू र कल्याणकारी योजनाहरू समाजको हरेक तहसम्म पुग्ने सुनिश्चित गर्न एकताको साथ काम गर्ने सामूहिक निर्णयसहित समापन भएको प्रेस-प्रकाशनकी सामान्य सचिव सुश्री उर्वशी खालिङ राईले जानकारी दिएकी छिन्।