विश्वकर्मा समाजको शतवार्षिकी समारोह आयोजन गरिने

खरसाङ विश्वकर्मा समाजको 100 वर्ष पूरा गरेको अवसरमा शतवार्षिकी समारोह आयोजन हुने भएको छ। सन् 1925 मा स्थापना भएको खरसाङ विश्वकर्मा समाजको यसपाली सय वर्ष पुगेको अवसरमा शतवार्षिकी समारोह अन्तर्गत खरसाङमा विविध कार्यक्रम आयोजना गरिने भएको छ। यस विषयमा आयोजित पत्रकार सम्मेलनमा खरसाङ विश्वकर्मा समाजको तर्फबाट सभापति निर्मल गहतराज, सचिव केशव सिंह घतानी, सल्लाहकार गोबिन्द सिंह घतानी, मुख्य संयोजक हेमन्त दर्नाल, संजोजकहरु विनोद रसाइली, बिजय सेञ्चुरी, सुष्मा सिंहले सम्बोधन गरेका थिए। पदाधिकारीहरुले यो शतवार्षिकी समारोह आगामी 7 दिसम्बर 2025 मा खरसाङको सन्त अल्फन्सेस विद्यालयमा आयोजना गरिने भएको जानकारी गराएका छन्।